Qazaxıstanın Karaqanda vilayətində çoxmərtəbəli yaşayış binası uçub.

 

APA TV-nin Qazaxıstan mediasına istinadən verdiyi xəbərə görə, insident vilayətin Şaxan qəsəbəsində qeydə alınıb.

 

Hadisə nəticəsində 9 nəfər ölüb. Onlardan üçü qadın, üçü kişi, üçü uşaqdır.

 

Qazaxıstan DİN rəsmisi Ruslan İmankulov bildirib ki, hadisə yerinə cəlb edilən xilasedicilər ikisi uşaq olmaqla 4 nəfəri xilas edib. 118 nəfərin yaşadığı binada hadisə vaxtı 30 nəfər olub.

 

İlkin məlumata görə, binanın uçmasına istixanada baş verən partlayış səbəb olub. Faktla bağlı cinayət işi açılıb, araşdırma aparılır.