Son günlər sosial şəbəkə istifadəçiləri işıq pulu qəbzlərinin şəkillərini çəkib, səhifələrində paylaşırlar. Görəsən, onlar bunu niyə edirlər? Elə bu sualla paytaxt sakinlərinə müraciət etdik.

 

- Bilmirəm.

 

- Nə deyə bilərəm? Heç nə deyə bilmərəm.

 

- Mənə elə gəlir ki, bununla bir növ etirazını bildirir.

 

- Bilmirəm.

 

- Bilmirəm, məlumatım yoxdur. Şəxsən mən qoymaram. Facebook-da qeydiyyatda deyiləm. Bunu etmək, məncə, düzgün deyil. Evin sənədini niyə qoyursan Facebook-a?

 

- Onu edənlərdən soruşmaq lazımdır. Hərənin öz şəxsi işidir.

 

- Mən Facebook-dan istifadə etmirəm. Yəni bu o deməkdir ki, çoxdur. Hər kəsin öz işidir. Heç bir məlumatım yoxdur.

 

- Sosial şəbəkədən istifadə etmirəm. Heç bir fikrim yoxdur.

 

- Sadəcə, özlərini göstərmək üçün. Xalqın vəziyyətini göstərmək üçün. Amma nəzərə almaq lazımdır ki, bütün dünyada iqtisadi böhrandır. İnsanlar səbirli olmalıdırlar.

 

- Yəqin qiymətlərinə görə paylaşırlar.

 

- Hərənin şəxsi fikridir. Hörmətlə yanaşmaq lazımdır.

 

- Nə deyim? Şəxsi fikirləridir.

 

- Bilmirəm. Haradan bilim?

 

- Bilmirəm. Hər dövrdə bir mövzu trend olur. Bir aydan bir, 15 gündən bir.

 

- Çatdıra bilmirlər də. Maddi və mənəvi cəhətdən.

 

- Mən yaşlı adamam. Elə şeylərdən xəbərim yoxdur.

 

- Yəqin ki, qiymət artımı ilə bağlıdır.

 

Beləliklə, cavablardan görünür ki, bəzi insanlar, ümumiyyətlə, sosial şəbəkələrdən istifadə etmirlər. Bəziləri isə hesab edir ki, paylaşımlar hər kəsin şəxsi işidir.