Qırğızıstanın paytaxtı Bişkek yaxınlığında Türkiyənin “Türk Hava Yolları” (“Turkish Airlines”) aviaşirkətinə məxsus “Boeing 747” tipli karqo təyyarəsi qəzaya uğrayıb.

 

APA TV-nin Türkiyə mətbuatına istinadən xəbərinə görə, bu barədə ilkin məlumat “Manas” hava limanının mətbuat xidmətindən məlumat verilib.

 

İlkin məlumata əsasən, Honkonq-Bişkek marşrutu ilə uçan təyyarə Bişkek yaxınlığındakı qəsəbənin ərazisinə düşüb. Hadisə yerində yanğın başlayıb. Qəzaya qeyri-sabit hava şəraitinin səbəb olduğu ehtimal edilir.

 

Son məlumatlara görə, hadisə nəticəsində 4-ü ekipaj üzvü olmaqla 32 nəfər ölüb, 8 nəfər isə xəstəxanaya yerləşdirilib. Onlardan 6-sı uşaqdır.

 

Hazırda qəzanın səbəbləri ilə bağlı araşdırma aparılır.