Mosulda üç gənc əvvəlcə döyülüb, sonra güllənərək öldürülüb.

 

APA TV-nin İxlas Xəbər Agentliyinə istinadən xəbərinə görə, işgəncə verən şəxslərin İraq Hərbi Polis Birliyinin üzvü olduğu bildirilir. Hadisə Mosul yaxınlığındakı Sümer qəsəbəsində baş verib.

 

İŞİD-lə əlaqədə olmaqda günahlandırılan üç gənc əvvəlcə döyülür, işgəncəyə məruz qalır. Daha sonra avtomat silahlarla güllələnərək öldürülür.

 

Hadisə bütünlüklə telefon kameraları ilə qeydə alınaraq sosial mediada paylaşılıb. Gənclər İŞİD-lə heç bir əlaqəsinin olmadığını bildirsə də, hərbçilər onları öldürməkdən vaz keçmir. Hadisə mediada kəskin etirazlarla qarşılanıb.