İsveçin Türkiyədəki səfirliyi adı çəkilən ölkədə olan vətəndaşlarına terror ehtimalı ilə bağlı xəbərdarlıq edib. APA TV-nin Türkiyə mətbuatına istinadən məlumatına görə, səfirlik onlara Ankarada Qızılay meydanı ətrafından uzaq olmağı məsləhət görüb.

Ehtimal edilən terror aktının törədilə biləcəyi tarix 26-27 yanvar günlərinə təsadüf edir.

İsveçdən başqa ABŞ Xarici İşlər Nazirliyindən də terror ehtimalının yüksək olduğu vurğulanıb. Dövlət Departamentindən hadisənin Türkiyənin cənub-şərq bölgəsində törədiləcəyi istisna edilmir.

Amerikalılara Türkiyəyə səfərlərini təxirə salmaları məsləhət görülür.