Saatlının Kamallı kəndində "Sahibkarlığın inkişafına dövlət dəstəyi" mövzusunda tədbir keçirilib. APA TV-nin xəbərinə görə, İqtisadi İnkişaf Nazirliyinin Sahibkarlığa Kömək Milli Fondunun dəstəyi ilə keçirilən tədbirdə  Saatlı və ətraf rayonlarda fəaliyyət göstərən 62 sahibkara 532 min manat güzəştli kredit verilib.

 

Saatlı Rayon İcra Hakimiyyəti başçısı Siraqəddin Cabbarov ölkədə sahibkarlığın inkişafına göstərilən dövlət dəstəyi barədə məlumat verib.

 

Sahibkarlığa Kömək Milli Fondunun icraçı direktoru Şirzad Abdullayev qeyd edib ki, bu ilin ötən dövrü ərzində fondun vəsaitləri hesabına respublika üzrə sahibkarlıq subyektlərinin 3859 investisiya layihəsinin maliyyələşdirilməsinə 262 milyon manat güzəştli kredit verilib.