Bu gün səhər saatlarında Xaçmaz-Quba marşrutu üzrə hərəkət edən sərnişin avtobusu ilə minik maşını toqquşub. APA TV-nin şimal bürosunun verdiyi məlumata görə, Seyidşah Atagülovun idarə etdiyi 90 JM 516 dövlət nömrə nişanlı, “Temsa” markalı avtobus əks istiqamətdə hərəkət edən 10 FC 710 dövlət nömrə nişanlı, “VAZ 21 010” markalı avtomobillə toqquşub. Qəza anında avtobusda 30 sərnişin olub. Hadisə zamanı xəsarət alan olmasa da, avtomaşınlara ciddi ziyan dəyib.

 

Faktla bağlı Xaçmaz rayon Polis Şöbəsində araşdırmalar davam etdirilir.