"İsraillə müttəfiqliyimiz sarsılmazdır". APA TV-nin "Euronews"a istinadən məlumatına görə, bu açıqlamanı ABŞ prezidenti verib.

Donald Tramp Konqresin hər iki palatası qarşısında çıxış edib: "Mən bəzi şəxslərə və təşkilatlara qarşı sanksiyaları İranın nüvə sınaqlarını dəstəklədikləri üçün tətbiq etmişəm".

Prezidentliyinin 40-cı günündə Tramp bir daha İŞİD-ə qarşı mübarizənin gücləndirilməsini önə çəkib. O, NATO ilə  bağlı fikirlərini də açıqlayıb: "Biz NATO-nu birmənalı olaraq dəstəkləyirik. Alyans iki müharibədən - faşizmə və kommunizmə qarşı "soyuq müharibə"dən qələbə ilə, alnıaçıq çıxıb".

Tramp bildirib ki, NATO-dakı müttəfiqlər onun alyansın möhkəmlənməsi ilə bağlı səsləndirdiyi maliyyə məsələlərini nəzərdə tutan təklifini dəstəkləməyə başlayıblar.