Ermənistanın keçmiş müdafiə naziri baş nazir Karen Karapetyanın son bəyanatına etiraz edib. APA TV-nin erməni mətbutaına istinadən verdiyi məlumata görə, hazırda "Ohanyan-Raffi-Oskanyan" blokuna rəhbərlik edən Seyran Ohanyan hökumət rəhbərinin aprel döyüşlərindəki məğlubiyyətini onun boynuna yıxmaq istədiyini qeyd edib.

Ohanyan deyib ki, erməni xalqının ağır günlərində yaşayan problemləri Krapetyan məişət çətinlikləri səviyyəsinə endirir:

"Onlar bununla xilas olacaqlarını və səliqə-sahman yaradacaqlarını düşünürlərsə, qoy olsun".

Xatırladaq ki, baş nazir Krapetyan aprel döyüşləri zamanı erməni tanklarına dizel əvəzinə su qatılmış kerosin töküldüyünü iddia edib. O deyib ki, biabırçı vəziyyətdə məğlub olmağın səbəbi də məhz budur.