Paytaxtın Mehdi Mehdizadə küçəsindəki yolun nəqliyyat hissəsində avtomobillərin hərəkəti məhdudlaşıb.

 

APA TV-nin məlumatına görə, buna səbəb fevralın 22-də beton qarışdıran maşının çırpılması nəticəsində bu küçədəki körpünün qəzalı vəziyyətə düşməsidir.

 

"Azərbaycan Dəmir Yolları" Qapalı Səhmdar Cəmiyyətinin ictimaiyyətlə əlaqələr şöbəsinin rəisi Sevinc Qədirova  APA TV-yə  açıqlamasında bildirib ki, bu gündən körpüdə əsaslı təmir işlərinə başlanıb. Bununla əlaqədar həmin ərazidə nəqliyyatın hərəkətinə  müvəqqəti  məhdudiyyət qoyulub.