Kürdəmirdə xəsarətlə nəticələnən yol qəzası baş verib. APA TV-nın yerli bürosunun xəbərinə görə, hadisə Bakı-Qazax yolunun Kürdəmir  rayonundan keçən hissəsində, yolun 197-ci kilometrliyində qeydə alınıb.

Tovuz rayon sakini 1963-ci il təvəllüdlü Nofər Allahverdi oğlu Tağıyevin idarə etdiyi yüklə dolu qoşqulu   "KamAZ " idarəetmədən çıxaraq yol kənarına aşıb. Nəticədə  "KamAZ"ın sürücüsü N.  Tağıyevin xəsarət alıb, maşın isə yararsız hala düşüb.

İlkin ehtimala görə, hadisəyə  maşında yaranmış texniki nasazlıq səbəb olub . Faktla bağlı araşdırma aparılır.