ABŞ prezidenti Donald Tramp və Almaniya kansleri Angela Merkel arasında martın 14-ə planlaşdırılan görüş Vaşinqtonda gözlənilən şiddətli qarla əlaqədar təxirə salınıb. APA TV-nin məlumatına görə, bu barədə ABŞ prezidentinin mətbuat katibi Şon Spayser bildirib.

 

“Prezident Tramp Almaniya kansleri ilə telefon danışığı aparıb. Tərəflər qeyri-sabit hava şəraiti əlaqədar görüşün cümə günü, martın 17-ə keçirilməsi barədə razılığa gəliblər. Danışıqların gündəliyi dəyişməz qalıb”, deyə Ş.Spayser bildirib.

 

Qeyd edək ki, bu, Merkel və Tramp arasında keçiriləcək ilk rəsmi görüş olmalı idi.

 

ABŞ-da yanvar və fevral aylarında müşahidə olunan bir neçə gün davam edən yüksək temperaturdan sonra hava şəraiti qeyri-sabir keçməyə başlayıb. Vaşinqtonda 2-4 dərəcə şaxta və qar proqnozlaşdırılır. Hava yolları şirkətləri 1500 reysi təxirə salıblar.