Kürdəmir rayonunda xəsarətlə nəticələnən yol qəzası baş verib. APA TV-nin yerli bürosunun məlumatına görə, hadisə Bakı-Qazax magistral yolunun 180-ci kilometrliyində, Kürdəmir  rayonunun Karrar kəndindən keçən hissəsində qeydə alınıb.

Qax rayon sakini, 1981-ci il təvəllüdlü Rəsul Namiq oğlu Yusifov idarə etdiyi  "Mercedes" markalı yük maşını ilə yolu keçən piyada 1998-ci il təvəllüdlü Hilal Kamal oğlu  Qəniyevi vurub. Ağır xəsarətlər alan piyada Kürdəmir Mərkəzi Rayon Xəstəxanasına yerləşdirilib. 

Faktla bağlı Baş Dövlət Yol Polisinin İstintaq və təhqiqat Şöbəsində araşdırma aparılır.