“Qalatasaray”dan darmadağın: “Bursaspor”un baş məşqçisi istefa verdi
Türkiyə Superliqasında daha bir məşqçi istefası yaşanıb. APA TV-nin məlumatına görə, “Bursaspor”un baş məşqçisi Mustafa Topçu istefa verib.
“Bursaspor” 29-cu turda öz meydanında “Qalatasaray”ı qəbul edib. Oyun meydan sahiblərinin darmadağın edilməsi ilə nəticələnib. “Qalatasaray” “Bursaspor”un qapısından 5 cavabsız top keçirib.
Oyundan sonra keçirilən mətbuat konfransında “Bursaspor”un baş məşqçisi Mustafa Topçu istefa bəyanatını səsləndirib:
Mustafa Topçu “Bursaspor”un son iki oyunda böyük hesablı məğlubiyyətlərinə görə məsuliyyəti öz üzərinə götürüb.
29 turdan sonra "Bursaspor" 35 xalla turnir cədvəlinin 13-cü pilləsində qərarlaşıb.
