Azərbaycan Nəqliyyat Nazirliyinə sahibkarlar tərəfindən ictimai nəqliyyatda gediş haqlarının artırılması təklifi olunur.Nəqliyyat Nazirliyi Katibliyinin rəisi Namiq Həsənovun sözlərinə görə, nazirlik məsələ ilə bağlı Tarif Şurasına bir dəfə müraciət edib: "Tarif Şurası təklifimizi məqbul hesab etməyib. Bununla əlaqədar biz ikinci dəfə gediş haqlarının artırılması ilə bağlı təklif irəli sürməmişik. Ancaq sahibkarlar qiymətlərin qalxmasını istəyirlər. Son zamanlar bu məsələ ilə bağlı söz-söhbətlər də gəzir. Hətta maliyyə naziri də çıxışlarının birində bu haqda qeyd edib".

 

Namiq Həsənov bildirib ki, ümumiyyətlə, qiymətlərin qalxması üçün müəyyən əsaslar var. Ancaq bununla bağlı qərar vermək səlahiyyəti Tarif Şurasına aiddir.