İndoneziyanın paytaxtı Cakartada bir-birinin ardınca iki partlayış baş verib. İlkin məlumata görə, partlayışlar nəticəsində 3 polis əməkdaşı həlak olub. İki terrorçu-intiharçı üzərlərindəki partlayıcı qurğunu işə salıblar.

 

Hadisə nəticəsində 10 nəfər yaralanıb. Onlardan 5-inin asayiş keşikçisi olduğu bildirilir.

 

Şahidlər bildiriblər ki, partlayışlar 5-10 dəqiqəlik fasilə ilə avtobus dayanacağı və motosikletlər üçün dayanacağın yaxınlığında törədilib.

 

Cakarta polisinin məlumatına görə, partlayışları törədənlərin şəxsiyyətləri müəyyənləşdirilir.  İndiyədək heç bir terror qruplaşması partlayışa görə məsuliyyəti öz üzərinə götürməyib.