İŞİD terror təşkilatı ABŞ-ın rəhbərlik etdiyi koalisiya qüvvələrinin Mosulu bombalaması barədə video paylaşıb.

 

APA TV-nin məlumatına görə, "Youtube" kanalına yüklənən videodan görünür ki, terror təşkilatının bayrağı asılan binaya havadan zərbə endirilir.

 

İŞİD-in "AMAQ" xəbər agentliyi bildirir ki, onların mövqeyi fosfor bombası ilə vurulub. Yayılan videoda insan itkisinin olmadığı görünür.

 

İraq ordusu isə koalisiya qüvvələrinin havadan dəstəyi ilə Mosulun əl-Baaj rayonunu İŞİD terrorçularından azad edib.