İraq təhlükəsizlik qüvvələri Moxul şəhərinin qərbində İŞİD terror təşkilatının partladılmağa hazır vəziyyətdə çox sayda avtomobilini ələ keçirib.

 

APA TV-nin məlumatına görə, partlayıcı yüklənmiş avtomobillər İraq ordusunun bazasına gətirilib. Mosul federal polisindən bildirilib ki, İŞİD təhlükəsizlik qüvvələrinin şəhərdə irəliləməsinin qarşısı almaq üçün partlayıcı yüklənmiş avtomobillərdən istifadə edir.

 

İŞİD-in xüsusi emalatxanasında maşınların dəmir lövhələrlə gücləndirdiyi bildirilir. Emalatxanada dəmir lövhələrin quraşdırıldığı avtomobillər güllə keçirmir və onlardan terror aktlarında istifadə edilir.

 

İŞİD-ə aid “ölüm maşınları”nın yüzlərlə kiloqram partlayıcı daşıya bilir və terror təşkilatının mühəndisləri tərəfindən təhlükəli vəziyyətə gətirilir.