ABŞ Qətərə 36 ədəd "F-15" qırıcısı satır - DÜNYA ŞOKDA
Qətər hökuməti ABŞ ilə 36 ədəd "F-15" qırıcı təyyarəsinin alınmasına dair razılığa gəlib.
APA TV-nin "Reuters"ə istinadən məlumatına görə, 12 milyard dollarlıq sazişə Pentaqon rəhbəri Ceyms Mettis və Qətər nümayəndələri iyunun 14-də imza atıb.
2016-cı ilin noyabrında ABŞ Dövlət Departamenti Qətərə 72 ədəd "F-15" qırıcı təyyarələrin satılması barədə qərar qəbul edib. Razılaşmanın məbləği 21,1 milyard dollar təşkil edib.
Qeyd edək ki, iyunun 9-da ABŞ prezidenti Donald Tramp Qətəri terrorizmi maliyyələşdirməkdə günahlandırıb.
Bundan əvvəl isə başda Səudiyyə Ərəbistanı olmaqla bir neçə ölkə Qətərlə diplomatik əlaqələri kəsib.
