İŞİD özünün yeni "paytaxt"ını elan edib. APA TV-nin Rusiya mətbuatına istinadən məlumatına görə, terrorçular Suriyanın Deyr-əz-Zor vilayətinin Əl-Məyadin şəhərinə toplaşıb.

Rəqqadan və İraqın Mosul şəhərindən bura qaçan terrorçuların komandirləri Əl-Məyadini "paytaxt" elan edib.

Əl-Məyadin Suriyanın şərqində yerləşir. Bu şəhər Fərat çayının sahilində, İraq sərhədindədir.

Əl-Məyadinin terrorçuların son "qalası" olacağı deyilir və İŞİD-in bu şəhəri bütün qüvvəsi ilə qoruyacağı bildirilir.