Avropa İttifaqı Rusiyaya sanksiyaların müddətini uzatdı - UKRAYNAYA GÖRƏ
Aİ-yə üzv dövlətlərin liderləri Rusiyaya qarşı sanksiyaların müddətini daha 6 ay uzatmağa qərar verib.
APA TV-nin “RİA Novosti”yə istinadən verdiyi xəbərə görə, sanksiyaların müddəti iyul ayında bitəcəkdi. Qərarla bu müddət 2018-ci ilə qədər uzadılıb. Bu barədə Aİ Şurasının sədri Donald Tusk bildirib.
“Qərara aldıq. Aİ Minsk razılaşmasının Moskva tərəfindən tam icra olunmaması səbəbindən Rusiyaya qarşı sanksiyaların müddətini uzadacaq”, - deyə Tusk bildirib.
Rusiyaya qarşı sanksiyaların müddətinin uzadılmasına dair rəsmi qərarın Aİ-yə üzv dövlətlərin liderlərinin sammitindən bir neçə gündən sonra qüvvəyə minəcəyi gözlənilir. Sammitin işi iyunun 23-də başa çatacaq.
