İmişli rayonunda çayda batan 17 yaşlı gəncin meyiti sudan çıxarılıb.

APA TV-nin Mil-Muğan bürosunun məlumatına görə, ötən gün Araz çayında batan rayon sakini,  Mahmudov Bəhruz Qəzənfər oğlunun meyiti Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən batdığı yerdən  20 metr aralıda aşkar edilərək sudan çıxarılıb və aidiyyəti üzrə təhvil verilib.
 

Qeyd edək ki,  hadisə ötən gün saat 17:00 radələrində Araz çayının İmişli  rayonunun Otuziki kəndi ərazisindən keçən hissəsində qeydə alınıb. 1999-cu il təvəllüdlü  Mahmudov Bəhruz Qəzənfər oğlu çayda çimərkən boğulub.