Lənkəranda evə basqın edərək ev sahibini bıçaqlayan, anasını isə öldürən şəxs saxlanıb.

 

APA TV-nin xəbərinə görə, hadisə iyunun 21-də Lənkəran rayonunun Liman şəhərindəki evlərin birində baş verib.

 

Ev sahibi  İlahə Nəcəfovanın evinə gələn naməlum şəxs ev sahibəsinə və səs-küyə gələn anası Arifəyə bıçaqla xəsarət yetirərək hadisə yerini tərk edib. Hər iki yaralı xəstəxanaya yerləşdirilib. Həkimlərin müdaxiləsinə baxmayaraq, Arifə orada ölüb.

 

Lənkəran ŞRPŞ əməkdaşlarının keçirdiyi əməliyyat-axtarış tədbirləri nəticəsində hadisəni törətməkdə şübhəli bilinən Bakı şəhər sakini Əziz Əsgərov iyunun 26-da tutularaq istintaqa təhvil verilib.