Şamaxı rayonunda ağır avtomobil qəzası baş verib, bir nəfər ölüb, bir nəfər yaralanıb. Rayon Milis Şöbəsindən APA TV-yə verilən məlumata görə, hadisə Şamaxı-Göylər yolunda qeydə alınıb. Şirvan şəhər sakini Rafiq Səmədovun yüksək sürətlə idarə etdiyi “Azsamand” markalı minik maşını qarşıdan “KamAZ” markalı yük maşını ilə toqquşub. Hadisə nəticəsində minik maşınının sürücüsü Rafiq Səmədov aldığı xəsarətdən ölüb. Qəza zamanı yük maşınında olan sərnişin, 55 yaşlı Rahil Yusifov isə müxtəlif bədən xəsarətləri ilə Şamaxı rayon Mərkəzi Xəstəxanasının cərrahiyə şöbəsinə yerləşdirilib.

 

“Azsamand”ın sürücüsü Rafiq Səmədov Salyan rayon Hüqüq Məsləhətxanasının vəkili idi.      

 

Faktla bağlı Şamaxı rayon Polis Şöbəsi tərəfindən araşdırma aparılır.