Kürd hərbi birləşmələri ilə Suriyanın müxalifət qüvvələri müdafiəni yararaq Rəqqada yerləşən "Köhnə şəhər"ə qədər irəliləyə biliblər.

 

APA TV-nin xəbərinə görə, qızğın döyüşlər zamanı onlar Rəqqa şəhərinin ətrafındakı qəsəbələrdən birini də ələ keçiriblər. Suriya Demokratik Qüvvələri isə qərb istiqamətinə doğru irəliləyə biliblər.

 

Rəqqanın tarixi hissəsi şəhərin mərkəzindədir və 8-ci əsrdən qorunur. "Köhnə şəhər" ətrafında hazırda şiddətli döyüşlər davam edir. "Euronews"un məlumatına görə, Demokratik Qüvvələr şəhərin şimal hissəsindəki şəkər zavodunu da ələ keçiriblər. Zavod ərazisi dağıdılıb.

 

Müşahidəçilərin fikrincə, Rəqqada təxminən 3-4 minə yaxın İŞİD üzvü qalıb.