Kürdəmirdə narkotik tərkibli bitki əkib-becərən şəxs tutulub.

 

APA TV-nin yerli bürosunun xəbərinə görə, bu gün səhər saatlarında Kürdəmir Rayon Polis Şöbəsi əməkdaşlarının məlumat əsasında keçirdiyi əməliyyat-axtarış tədbirləri nəticəsində rayonun Şıxımlı kənd sakini, 1967-ci il təvəllüdlü Ziya Bilal oğlu Səmədovun yaşadığı evin həyətyanı sahəsinə baxış keçirilib.

 

Baxış zamanı oradan narkotik tərkibli maddə hesab olunan 28 ədəd çətənə kolu  aşkarlanaraq götürülüb.

 

Qeyd edək ki, 2014-cü ildə azadlığa çıxan Z.Səmədov eyni əmələ görə 8 il məhkumluq həyatı yaşayıb. Faktla bağlı araşdırma aparılır.