ABŞ, Rusiya və İordaniya Suriyanın cənub-qərbində atəşkəs elan olunması haqqında razılığa gəlib.

 

APA TV-nin xəbərinə görə, bu barədə İordaniyanın hökumət sözçüsü Məhəmməd əl-Mumeni yazılı açıqlama yayıb.

 

Açıqlamada bildirilir ki, Əsəd rejiminə sadiq qüvvələrlə müxalif üsyançılar arasında iyulun 9-dan etibarən atəşkəs əldə olunması haqqında razılıq əldə olunub.

 

ABŞ dövlət katibi Reks Tillerson xəbəri təsdiqləyərək, bu razılaşmanı "Birləşmiş Ştatlar və Rusiyanın Suriyada birlikdə çalışa bilməsinin ilk işarəsi" olaraq qiymətləndirib.