Sumqayıt şəhərində "Birləşmiş məhəllə" deyilən ünvanda yerləşən internat məktəbində güclü yanğın baş verib. APA TV-nin xəbərinə görə, əraziyə dərhal Fövqəladə Hallar  Nazirliyinin Sumqayıt Şəhər Yanğından Mühafizə Hissəsinin canlı qüvvəsi və texnikası cəlb olunub. Yanğınsöndürənlər məktəbin anbarında baş verən yanğının qarşısını alıblar. Nəticədə 150 kvadratmetrlik ərazi yanıb. Yanğının sinif otaqlarına keçməsinin qarşısı alınıb. Məktəbin bir hissəsində qaçqın və məcburi köçkünlər məskunlaşıb. Yanğın zamanı 3-cü mərtəbədə müvəqqəti məskunlaşmış 15 nəfər məcburi köçkün yanğınsöndürənlər tərəfindən təhlükəsiz əraziyə təxliyə olunub. Binanın qalan hissəsi yanğından mühafizə olunub.

 

Faktla bağlı araşdırma aparılır.