ABŞ prezidenti Donald Tramp daxili təhlükəsizlik naziri Con Kellini Ağ Ev aparatının rəhbəri vəzifəsinə təyin edib.  

 

APA TV-nin məlumatına görə, Tramp bu barədə özünün “Twitter” səhifəsində bildirib. “General Con Kellini  Ağ Ev aparatına yeni rəhbər təyin etdim. Bu barədə sizləri məlumatlandırmağa şadam”, - deyə o yazıb. 

 

Prezidentin sözlərinə görə,  Kelli dahi amerikalı və gözəl liderdir: “O, Daxili Təhlükəsizlik Nazirliyində böyük işlər görüb və mənim administrasiyamda əsl ulduzdur”, - deyə o yazıb. 

 

Qeyd edək ki, bundan əvvəl Ağ Ev aparatına Rins Pribas rəhbərlik edib.