Goranboyda ölümlə nəticələnən yol qəzası baş verib.

 

APA TV-nin Qərb bürosunun məlumatına görə, hadisə Bakı-Qazax magistralının Goranboy rayon Borsunlu kəndi ərazisindən keçən hissəsində qeydə alınıb.

 

"Mercedes" markalı minik avtomobilinin "KamAZ" markalı yük avtomobili ilə toqquşması nəticəsində minik maşınının sürücüsü Şəmkir rayon sakini, 1981-ci il təvəllüdlü Elçin Həsənov hadisə yerində dünyasını dəyişib.

 

Faktla bağlı Baş Dövlət Yol Polisi İdarəsi tərəfindən araşdırma aparılır.