Əsəd rejiminin rəhbərlik etdiyi Suriya ordusu İŞİD-in mühasirəsi altında olan ölkənin şərqindəki Deyr əz-Zor şəhərinə girib. Terror təşkilatı bu bölgəyə üç il idi ki, nəzarət edirdi.

APA TV xəbər verir ki, Suriya ordusu axşam saatlarında şəhərin qərb hissəsində Əl-Harrata neft yatağını da ələ keçirib.

Suriya ordusu şəhərin qərb hissəsində mühasirə altında saxlanılan bir qarnizonla da təmas qurduğunu açıqlayıb.

İŞİD-in ən çox itirdiyi bölgələrdən biri kimi tanınan Deyr əz-Zor şəhəri 2014-cü ildən etibarən bu terror təşkilatının mühasirəsi altında idi.