Türkiyənin Hakkari vilayətinin Yüksəkova qəsəbəsində terror aktı törədilib. APA TV-nin məlumatına görə, terror hücumu elektrik şirkətinin əməkdaşlarına edilib.

 

Qəsəbənin Çobanpınar kəndi ərazisində elektrik xətlərində təmir işləri aparılarkən PKK terrorçuları şirkət əməkdaşlarına hücum ediblər. Hadisə nəticəsində 2 işçi ölüb, 3 nəfər yaralanıb.

 

Terrorçuların ələ keçirilməsi üçün bölgədə əməliyyat başlayıb.

 

Hakkari valiliyi hadisə ilə bağlı məlumat yayıb. Məlumatda deyilir ki, terror hücumunun hədəfi elektrik şirkətinin avtomobili olub.