Bəhreyn də "S-400"lərə müştəri düşdü - MOSKVA İLƏ DANIŞIQLARA BAŞLANDI
Bəhreyn rəsmiləri "S-400" raketdən müdafiə komplekslərinin alınması istiqamətində Rusiya tərəfi ilə danışıqlara başlayıb.
APA TV-nin Rusiya mətbuatına istinadən məlumatına görə, bu barədə Kral qvardiyasının komandanı Şeyx Naser bin Hamad Əl Xəlifə bildirib: "Biz razılığın bir addımlığındayıq, Allahın izni ilə anlaşacağıq".
Bu arada Səudiyyə kralı ilə Moskvadakı danışıqların nəticəsi olaraq adı çəkilən zenit-raket kompleksinin satışına başlanması üçün hazırlıq işləri başlayıb. Prosesin bəzi detalları da açıqlanıb.
Bu ticarətə "S-400"dən başqa "Kornet-EM" kompleksləri, "TOS-1A" sistemləri, "AQS-30" avtomatlaşdırılmış qumbaraatanları və "Kalaşnikov" avtomatlarının satışı da daxildir.
