Gecə saatlarında Bakının Səbail rayonunda bıçaqlanma faktı qeydə alınıb. APA TV xəbər verir ki, qanlı hadisə Salyan şosesində yerləşən restoranların birində olub.

Həmin ünvanda 1992-ci il təvəllüdlü Mirzəyev Elvin Hacı oğlu ilə bir tanışı arasında mübahisə yaranıb. Mübahisə sonradan əlbəyaxa davaya çevrilib. Nəticədə digər şəxs E.Mirzəyevə bıçaqla 4 xəsarət yetirib. Ağır xəsarət alan 25 yaşlı gənc xəstəxanaya yerləşdirilib.

Hadisə ilə bağlı Səbail polisi araşdırma aparır. Məlumata görə, E.Mirzəyevi bıçaqlayan şəxs onunla qonşuluqda yaşayırmış. O artıq saxlanılaraq məsuliyyətə cəlb edilib.