Yaponiyanın Honsü adasında baş verən güclü qasırğa nəticəsində 2 nəfər ölüb, 86 nəfər xəsarət alıb.

 

APA TV-nin məlumatına görə, "Lan" qasırğası ilə əlaqədar sahilboyu ərazilərdən insanlar təxliyə edilib, hava limanlarında 300 aviareys ləğv edilib, qatarların hərəkətində fasilələr yaranıb.

 

Vakayama prefekturasında 82 yaşlı kişi itkin düşüb. Hazırda "Lan" Xonsü adasının şimalına doğru hərəkət edir. Küləyin surəti vaxtaşırı saniyədə 45 metrə çatır.

 

İranda isə 5,1 bal gücündə zəlzələ baş verib.

 

Yeraltı təkanların episentri Minab şəhərindən 83 km şimalda, ocağı isə 10 km dərinlikdə yerləşib.

 

Dağıntı və zərərçəkənlər barədə məlumat daxil olmayıb.