Dekabrın 3-dən başlayaraq, ölkə ərazisində qeyri-sabit hava şəraiti müşahidə olunur. Lerikə rayonunda mövsümün ilk intesiv qarı yağıb. İlk qar xüsusilə balacaların sevincinə səbəb olub.

 

APA TV-nin xəbərinə görə, qarın yağması rayon mərkəzində ciddi problemlər yaratmasa da, ucqar kəndlərə gediş-gəlişi çətinləşdirib. Həmçinin, yolların buz bağlaması bir sıra qəzaların baş verməsinə də səbəb olub. Yollarda sürüşmə hadisələri də qeydə alınıb.

 

Lənkəran Regional Hidrometrologiya İradəsindən verilən məlumata görə, sərt və küləkli hava şəraiti dekabrın 7-nə qədər davam edəcək.