Xaldan-Mingəçevir yolunda iki nəfərin xəsarət alması ilə nəticələnən yol qəzası baş verib.

 

APA TV-nin yerli bürosunun xəbərinə görə, günorta saatlarında Yevlaxın Əkşəm kəndi ərazisində “Nissan X Trail” markalı, 90 ON 305 dövlət nömrə nişanlı avtomobil yoldan çıxaraq aşıb.

 

Deformasiyaya uğrayan avtomobilin sürücüsü, 1942-ci il təvəllüdlü Ziyəddin Mirəli oğlu Baxışov və onun həyat yoldaşı, 1947-ci il təvəllüdlü Səfurə Kərəm qızı Həsənova xəsarət alıblar.

 

Əraziyə cəlb olunan Fövqəladə Hallar Nazirliyinin xilasediciləri xəsarət alan şəxsləri avtomobildən çıxarıblar. Onlar Mingəçevir şəhər Mərkəzi Xəstəxanasına çatdırılıb.

 

Faktla bağlı araşdırma aparılır.