ABŞ-da prezident Con Kennedinin 1963-cü ildə qətli ilə bağlı 3 minədək sənəd ilk dəfə olaraq dərc edilib. APA TV-nin “Frans Press” agentliyinə istinadən verdiyi xəbərə görə, əvvəllər məxfi olan 2891 yeni sənəd ABŞ Milli Arxivlərinin saytında dərc olunub.

Xatırladaq ki, bundan əvvəl 24 iyul tarixində 3900 sənəd dərc edilmişdi. Ağ Evin məlumatına görə, 2018-ci ilin aprelinədək daha bir neçə min sənədin dərc olunacağı nəzərdə tutulub.

Prezident Donald Tramp bir neçə gün əvvəl cəmiyyətin qətllə bağlı daha dolğun məlumatlandırılmalı olduğunu bildirmişdi. Bununla belə, D.Tramp milli təhlükəsizlik baxımından mətnlərin müvafiq qurumlar tərəfindən redaktə olunacağını qeyd etmişdi.