Xocalı polisi Goranboyda silah-sursat aşkarlayıb
Xocalı Rayon Polis Şöbəsinin əməkdaşları Goranboy rayonu ərazisində silah-sursat aşkarlayıblar.
APA TV-nin qərb bürosunun məlumatına görə, şöbəyə Yuxarı Ağcakənd-Buzluq avtomobil yolunda silah-sursatın aşkarlanması barədə məlumat daxil olub.
Əraziyə baxış zamanı oradan 6 ədəd “Kalaşnikov” avtomatına aid sandıqça, 7 ədəd əl qumbarası, 4 ədəd qumbara alışdırıcısı, 2,5 metr uzunluğunda güllə darağı, tüfəng lüləsi və 497 ədəd müxtəlif çaplı güllələr aşkar olunaraq götürülüb.
Faktla bağlı Xocalı Rayon Polis Şöbəsində araşdırma aparılır.
