Tehranda  Zirvə Toplantıları Mərkəzində İran prezidenti Həsən Ruhani, Azərbaycan prezidenti İlham Əliyev və Rusiya prezidenti Vladimir Putin arasında üçtərəfli görüş keçirilib. Danışıqların yekunu üzrə birgə bəyannamə qəbul edilib, prezidentlər mətbuata açıqlama ilə çıxış ediblər.

 

İran pezidenti Həsən Ruhani danışıqlardan sonra növbəti sammitin keçiriləcəyi yeri açıqlayıb. O, bildirib ki, Rusiya prezidenti Vladimir Putin növbəti zirvə görüşünün Rusiyada keçirilməsini təklif edib və tərəflər bu barədə razılığa gəliblər. Beləliklə, 2018-ci ildə prezidentlərin üçtərəfli görüşü Rusiyada keçiriləcək.