Ankarada İŞİD terror təşkilatına qarşı genişmiqyaslı əməliyyat keçirilib.

 

APA TV-nin “Anadolu” agentliyinə istinadən verdiyi məlumata görə, əməliyyatda Ankara Polis İdarəsinin Terrorla Mübarizə Şöbəsinin 1500 əməkdaşı iştirak edib.

 

Mərkəzi rayonlar, o cümlədən Sincan, Etimesqut və Çubuq da daxil olmaqla 250 ünvanda eyni vaxtda aparılan əməliyyatda 245 şübhəli şəxsdən 111-i saxlanılıb.

 

Onlara aid ünvanlarda aparılan axtarış zamanı çoxsaylı təşkilati proqram və rəqəmsal materiallar müsadirə olunub.