Şəkidə ruhi xəstə olduğu bildirilən qız özünün 79 yaşlı nənəsini qətlə yetirib. APA TV-nin məlumatına görə, hadisə noyabrın 11-də axşam saatlarında Şəki şəhəri, Giləkli küçəsi 23 ünvanında baş verib.

79 yaşlı Sadıqova Nübar İbrahimxəlil qızı qız nəvəsi 30 yaşlı Reyhan Davudova tərəfindən amansız şəkildə öldürülüb. Hadisə baş verən vaxt R.Davudova evdə nənəsi ilə tək olub. O əvvəlcə nənəsini boğub, daha sonra çəkiclə qoca qadının başına bir neçə dəfə zərbə endirib. R.Davudova qətli törətdikdən sonra taksiyə əyləşərək rayon polis şöbəsinə gedib və törətdiyi cinayəti etiraf edib.

Məlumatda bildirilir ki, ruhi xəstə olan Reyhan Davudova bir neçə dəfə əsəb xəstəliyindən müalicə olunub.

Faktla bağlı Şəki rayon Prokurorluğunda cinayət işi başlanılıb, araşdırma aparılır.