Tovuzda yaşayış evi yanıb. APA TV-nin qərb bürosunun verdiyi məlumata görə, hadisə Tovuz şəhəri, Mərdan Musayev küçəsində qeydə alınıb.

Oruc Qasımova məxsus ümumi sahəsi 200 kv/m olan birmərtəbəli 4 otaq və 1 aynabənddən ibarət evdə baş verən yanğını söndürmək üçün əraziyə FHN-in Tovuz rayonu Yanğından Mühafizə Hissəsinin 2 yanğınsöndürən avtomobili və canlı qüvvəsi cəlb olunub. Yanğın nəticəsində evin bir otağı əşyaları ilə birlikdə və aynabənd yanaraq kül olub. Yanğın söndürülərək ətrafa yayılmasının qarşısı alınıb.

Yanğının baş vermə səbəbləri araşdırılır.