2017-ci il ərzində Əfqanıstanda narkotik maddələrin istehsalı kəskin artıb.

 

APA TV-nin Rusiya mətbuatına istinadən məlumatına görə, BMT baş katibinin müavini Yuri Fedotov belə deyib. O bildirib ki, bu fakt Suriya və İraqda ağır məğlubiyyətlərə uğrayan İŞİD-in digər regiona yerləşməsini sürətləndirə bilər.

 

Qurumun Narkotik Vasitələr və Cinayətkarlıqla Mübarizə İdarəsinin açıqladığı hesabata əsasən, ölkədə narkotik vasitələrin emal göstəricisi cari ildə 63 faiz artıb. Hazırda ölkə ərazisinin 328 min hektarında analoji maddələrin becərilməsi həyata keçirilir ki, bu da ölkə tarixində rekord göstəricidir.

 

Qeyd edək ki, həmin ərazilərdən ildə 9 min ton narkotik maddə emal etmək olar.