Şəmkirdə avtomobil piyadanı vuraraq öldürüb. APA TV-nin qərb bürosunun xəbərinə görə, hadisə Bakı-Qazax magistral yolunun Şəmkir rayonu Düyərli kəndi ərazisindən keçən hissəsində qeydə alınıb.

 

Rasim Ramiz oğlu Məmmədov idarə etdiyi “VAZ-2106” markalı avtomobillə yolu keçmək istəyən Düyərli kənd sakini, 1993-cü il təvəllüdlü Ramazan Ələddin oğlu Quliyevi vurub. Ağır bədən xəsarətləri alan piyada Şəmkir Rayon Mərkəzi Xəstəxanasına yerləşdirilib. Ona tibbi yardım göstərilsə də, həyatını xilas etmək mümkün olmayıb.

 

Faktla bağlı araşdırma aparılır.