Tovuz rayonunda bibi qardaşı oğlunu bıçaqlayıb. APA TV-nin qərb bürosunun verdiyi məlumata görə, hadisə Tovuz şəhərində baş verib.

Rayon sakini Kifayət Qasımova qardaşı oğlu, 1990-cı il təvəllüdlü Sumqayıt sakini Qasımov Cavid Fəzail oğlunu bıçaqlayıb. Yaralı dərhal Tovuz rayon Mərkəzi xəstəxanasına yerləşdirilib. Ona tibbi yardım göstərilib.

Hadisənin ailədaxili mübahisə zəminində baş verdiyi bildirilir. Qonşuların dediyinə görə, Kifayət Qasımova mədəni və təmkinli bir qadın olub. Qadınla qardaşı və ya qardaşı uşaqları arasında əvvələr hər hansı bir münaqişənin yaranmadığı deyilir.

Faktla bağlı hüquq mühafizə orqanları tərəfindən araşdırma aparılır.