İmişli rayonunun Bəhramtəpə qəsəbəsində, su anbarı yaxınlığında yol qəzası baş verib. APA TV-nin Mil-Muğan bürosunun məlumatına görə, hadisə zamanı “Mercedes” və “VAZ 2107” markalı minik avtomobilləri toqquşub.

Nəticədə İmişlidə məskunlaşan Cəbrayıl rayon sakini, 1964-cü il təvəllüdlü Məhərrəmov Elxan Qafar oğlu həyatını itirib. İmişlidə məskunlaşan Cəbrayıl rayon sakini, 1957-ci il təvəllüdlü Hüseynov Qorxmaz İbrahim oğlu, İmişli rayon Sarxanlı kənd sakini, 1977-ci il təvəllüdlü  Cabbarov Qabil Aydın oğlu isə yaralanıb. Yaralılar İmişli rayon Mərkəzi Xəstəxanasına yerləşdirilib.

Faktla bağlı İmişli polis şöbəsində araşdırma aparılır.