Atlantik okeanında Argentinaya məxsus "San-Xuan" adlı sualtı qayıq yoxa çıxıb.

 

APA TV-nin Rusiya mətbuatına istinadən məlumatına görə, onun axtarışlarına 14 gəmi və 10 hərbi təyyarə cəlb olunub.

 

Araşdırmalar zamanı heyətin əlaqə itməzdən bir qədər öncə dispetçerə nasazlıqlar barədə məlumat ötürdüyü ortaya çıxıb. Zaman keçdikcə göyərtədə olan 44 nəfərin sağ qalma ehtimalı da azaldığından axtarışlar intensiv davam etdirilir.

 

Sualtı qayıq yalnız 300 metr dərinliyə enmək özəlliyinə sahibdir. Ekspertlər isə okeanın dərinliyini minlərlə metr ölçüsündə qiymətləndirir. Əgər o bu dərinliyə çökübsə, ekipajın sağ qalma şansı da sıfıra bərabərdir.

 

Qeyd edək ki, qayıq Almaniya istehsalıdır və 80-ci illərin sonlarında Argentinaya təhvil verilib.