"Türkiyə NATO-nun Norveç təlimlərindəki insidentdən sonra alyansla münasibətləri kəsməyəcək. Lakin Ankaranın bu olayın hansı səbəbdən yaşandığını bilməyə haqqı var".

 

APA TV-nin Rusiya mətbuatına istinadən məlumatına görə, bunu Türkiyə prezidentinin müşaviri İbrahim Kalın bəyan edib.

 

Xatırladaq ki, Norveçdə keçirilən NATO hərbi təlimləri zamanı Türkiyə dövlətinin banisi Mustafa Kamal Atatürkün və prezident Rəcəb Tayyib Ərdoğanın şəkilləri atış poliqonundan asılıb.

 

Məlum insidentdən sonra isə prezidentin baş müşaviri Yalçın Topçu Ankaranın NATO ilə münasibətlərə yenidən baxacağını, üzvlərindən birinə düşmən kimi baxan təşkilatın Türkiyə üçün yeganə variant olmadığını söyləyib.