Bakının Binəqədi rayonunda yol qəzası olub. APA TV-nin xəbərinə görə, avtoqəza Novxanı qəsəbəsində baş verib.

1982-ci il təvəllüdlü Xanmuradov Sədrəddin Akif oğlunun idarə etdiyi "VAZ 2106" markalı minik avtomobili "Ford" markalı kiçiktutumlu yük maşını ilә toqquşub. "Ford"un sürücüsü bundan sonra әrazidәn qaçsa da, Binәqәdi RPİ-nin əməkdaşları tərəfindən saxlanılıb.

"Jiquli"nin sürücüsü S.Xanmuradov isə xәsarәtlә 1 saylı Xәstәxanaya yerləşdirilib. Onun bud sümüklərinin sındığı bildirilir. Hazırda vəziyyəti orta ağırlıqdadır.

Yol qəzası ilə bağlı Binəqədi polisi araşdırmalara başlayıb.